Bertsoa.com - Bertso plaza digitala

Maialen Lujanbio da gaurko bertsolaritzaren erreferentzia nagusietako bat. Bai plazaz-plazan sortu duenagatik eta baita txapelketetan egin duen lanagatik ere. Ikuspegia, originaltasuna eta kontundentzia borobiltzen abila, eta bakarkako gaietan ‘istorio’ kon­tzeptua sartu duena. Ikastolan eta Hernaniko bertso eskolan eman zituen aurreneko pausoak. Eskolartekoan destakatuta, 15-16 urtetatik dabil herriz-herri.

   Gi­puzkoako Txa­pelduna da Euskal Herriko txa­pel­ke­tan hirugarren gelditu zen 2005an BEC-en, eta 2001an txapeldunordea izan zen Egañarekin bu­ruz-bu­rukoa jokatuta. Arte Ederrak ikasia da Bilbon eta bertsolaritza du lanbide na­gusia. Zu­tabegintzan eta gidoigintzan ere aritua da. Bertsotarako gaien za­bal­tasun eta plan­teamenduei buruzko debatean erdi-erdian egon da Lujanbio. Ornitorrinkus bertso eta musika emanaldi bereziaren sortzaile, Judith Monterorekin batean.